قصيدة المعلمة سارة
قصيدة المعلمة سارة
موسوعة التعليم الناجح
بأول دوام المدرسة يوم 'الاثنين
معلـمه في وجـه باب - الإدارة
وقفت باللجنة على سادس اثنين
مـثل المجـند ينـتظر لـ: الإشارة
هذي تنادي وهاذي إبله أنا وين!
زحمه وتو اليوم بـأول نهاره
أصوت لـثنـتين ،وبـيدي ثنـتين
نـوره مـضاوي عايـشه مـي يـاره
وسمعت صوتن رجع القلب لسنين
صوت الذي اسمه بنقش السواره
أختي بعد إذنك ناقل البنت هالحين
تـفضلـي الأوراق والأسـتماره
عجزت لا أجاوب ولا ارمش العيـن
طول سكـوتي وهو طـال انـتظاره
حســيت أن الـدم مـثل البراكين
شريـان قلـبي وصـل حـد انفـجاره
ورفعت راسي وصارت العين بالعين
ولمحت في عينـه سواة الشرارة !
هو هو وإلا واهـمَّه .. يا مسلـمين
زوله ورفـعة حاجـبه مـع سماره
لا ما تغـير فـيه ياكـود شـييـن
خف الشنب والشيب زاد بوقاره
اتلـى علاقتــنا 'ثـلاثـه وتسـعيـن"
بأول حلاوة العـمر قـبل انكـساره
الشاهد الله ماحـصل بيننا شـين
ولا يخدش إحساس بنت وعذاره
نعم الحبيـب الليّـن الطيّـب الـزيّن
ونعم الرفيق اللي حفظ حق جاره
يا وجه أبوي هالوجه مرحب وسهلين
لا يا بـعـد رووح ومـعالـيق سـاره
ودي اللـمه وودي أصيح بس ويـن
مثل الكسير اللي نشب وسط غاره
ما يستطيع المـشي من دون رجـلين
وحـولـه جنود تشـتـهر بالشطارة
يا للأسـف هالـحيـن صـرنا غـريبـين
حكـم القــدر واصـدر علـينـا قراره
الهـمم والغربال والفـقـد والـبـين
وأنا ' أسيره ' تنتظر للزيـااره
ويلي على لاماك ويلاه يا 'حـسـين'
يامن يجمعــنا واسـووق البشارة
سارة !!وسكت له لحظه كنها سنيـن
واقفا واشوفه يوم شب الزقــاره ♡
رد عليها حسين:
فز الخفوق وقلت يا ربي تعين
هي هي ولاهي شبيهه لسارة
حيتك وقلت أبنقل البنت هالحين
تفضلي الأوراق والأستماره
طول سكاتك والبلا العين بالعين
ضقت وأحس بضغط مدري حرارة
وخانتني الدمعة وطاحت من العين
كني طفل يبكي مضيع دياره
بحط بنتي عندك بسادس اثنين
عشان أكثر جيتي .. بالزيارة
واليا دخلَت الصف لازم تخشين
(اسمي )لأنه مسجلن بالسواره
وأمانتك انك عليها تخافين
لحدن يضايقها بأيت عبارة
يصارحك في شي يمكن تحسين
أن الزمن اقفى علينا قطاره
أنا سمعت إن اكبر عيالك حسين
واتني أكيد انك سمعتي بسارة
